KAMANASA-Oras ne’e iha Aldea Fatuisin, Suku Kamanasa, Sub-Distritu Suai, sai ona hanesan fatin lixu, ou soe foer fatin, ida ne’e realidade tanba oras ne’e dadaun ba servisu nain raut foer sira iha merkadu Suai, Debos, lori foer mai soe hotu iha area Kamanasa nian.
Tanba ne’e tuir komunidade Fatuisin Antonio Amaral deskontente bainhira hare ema sira ne’e raut foer iha merkado lori mai soe fali iha Kamanasa ne’e la diak.
“Hau nudar povu kiik ida hare ba hahalok ida hanesan ne’e sente triste tanba lori fali foer iha suku ida nian lori mai tau fali iha suku ida ne’e sente la dun diak” nia informa.
“Bainhira ema sira ne’ebe soe foer komunidade iha fatin ida ne’e husu ba sira hateten katak, ami la naran mai soe foer iha fatin ida, maibe tan Xefe do Suku Kamanasa Octavio do Rosario fo lisensa mai ami maka ohin loron ami mai soe foer iha fatin ida” Antonio haktuir.
Iha fatin hanesan hato’o mos Alxandre Amaral, konsidera katak xefe halo buat ida tuir deit nia hakarak nunka fo hatene ema povu, ida ne’e mos sente ladiak nudar povu.
Alex haktuir xefe suku fo lisensa ba ema hodi mai soe foer iha ita nia hela fatin seim kuinesementu hosi komunidade, xefe suku messak hakarak deit, maibe impaktu book ba ema nia vida moris ne’e xefe nunka hanoin to’o iha ne’eba.
Alex reforsa katak xefe suku la hatene hodi fo lisensa ba ema seluk hodi mai soe foer iha fatin ida ne’e, maibe impaktu ba komunidade diak ka lae, tanba temi ona naran foer entau foer sa deit maka iha ne’eba ne’e lori soe hotu iha fatin ida ne’e.
Nune’e mos tuir komunidade Jose Amaral hatutan katak xefe suku fo lisensa ba ema suku seluk hodi mai soe foer iha fatin ida ne’e keta halo xefe suku hetan sigaru nia karik, ne’e maka xefe suku haruka ne’e.
Konserteza xefe suku hetan buat ruma hosui ne’e maka xefe suku fo lisensa ne’e, se karik nia la hetan buat ruma hosi ida ne’e nia labele fo lisensa ba ema seluk hodi mai soe foer iha nia suku laran rasik.
Nune’e mos tuir Xefe Aldea Fatuisin Yoseph Nahak sente triste tanba xefe suku halo buat ida tuir deit nia hakarak nunka iha kordena malu ho xefe aldea no komunidade tomak.
Yoseph haktuir katak nia parte direitamente hodi ba hapara ona ema ne’ebe lori foer mai soe, bainhira husu ba sira katak se maka haruka imi mai soe foer iha fatin ida ne’e maibe kondotores hatan katak ami mai soe foer iha fatin ida ne’e xefe suku Kamanasa maka haruka.
“Maibe iha momentu ne’eba hau koalia ho lian maka’as ba sira ne’ebe mai soe foer katak komesa ohin ba oin labele mai soe foer tan iha fatin ida ne’e, bele se deit maka haruka mos” haktuir Xefe Aldea honerbozu.
0 Comments
